Publikimet - Rrjeti i Grupeve të Grave të Kosovës

Publikimet

Komunikatë për shtyp: Nisma e të Rinjve për të Drejtat e Njeriut – Kosovë dhe Rrjeti i Grupeve të Grave të Kosovës

Diskriminimi gjinor në Kosovë

Diskriminimi në Kosovë është i ndaluar mbi katërmbëdhjetë baza duke përfshirë edhe diskriminimin në bazë të gjinisë. Kjo bazë është e përfshirë në Ligjin Kundër Diskriminimit të vitit 2004 dhe në Kushtetutën e Republikës së Kosovës, e cila parasheh që rendi kushtetues i Republikës së Kosovës bazohet në parimet e barazisë dhe të mos diskriminimit.
Përveç kësaj, konventat ndërkombëtare siç janë Konventa Evropiane për të Drejtat e Njeriut (ECHR) dhe Konventa për Mënjanimin e të Gjitha Formave të Diskriminimit ndaj Gruas (CEDAW), të cilat janë drejtpërdrejtë të aplikueshme në Kosovë, e ndalojnë një diskriminim të tillë. Më tutje, aplikimi i instrumenteve të tilla kërkon nga institucionet qeverisëse që të sigurohen se diskriminimi po adresohet në mënyrë të duhur posaçërisht nëse ekziston kultura e diskriminimit gjinor, si dhe të përmbahen nga çdo diskriminim ndaj qytetarëve.
Pavarësisht kësaj kornize ligjore, diskriminimi dhe posaçërisht ai në baza gjinore mbetet një fakt jetësor në Kosovë. Raporti gjithëpërfshirës nga Nisma e të Rinjve për të Drejtat e Njeriut në Kosovë mbi implementimin e Ligjit Kundër Diskriminimit 2004 ka gjetur mungesa sistematike në implementimin e tij, si dhe hapësira brenda vetë ligjit.
Së fundmi, autoriteti më i lartë legjislativ në Kosovë, Kuvendi, nëpërmjet veprimeve të veta dhe të deputetëve ka dëshmuar pikërisht kulturën e diskriminimit gjinor e cila vazhdon të ekzistojë në Kosovë. Përveç kësaj, veprimet e tilla poashtu tregojnë shpërfillje të plotë të rendit kushtetues, obligimeve ndërkombëtare dhe kornizës ligjore, në të cilat Kuvendi ka kontribuar në lidhje me diskriminimin dhe posaçërisht me atë gjinor. Në mënyrë të ngjashme, organet e arsimit publik siç është Universiteti i Prishtinës nëpërmjet shpalljeve të tyre publike tregojnë kulturën diskriminuese gjinore e cila ekziston brenda këtij institucioni.
Ne dënojmë këtë kulturë të diskriminimit gjinor, shpërfilljen e treguar nga institucionet për ligjet kombëtare dhe ndërkombëtare të cilat e ndalojnë këtë diskriminim. Përveç kësaj, ua rikujtojmë institucioneve qeverisëse se janë të obliguara që të përmbahen nga diskriminimi në bazë gjinore dhe në momentin që ky diskriminim ndodh të ndërmarrin hapat e nevojshëm me prioritet. Sa i përket Kuvendit të Kosovës dhe Universitetit të Prishtinës, do të bëjmë përfaqësime individuale ne lidhje me incidentet dhe do të kërkojmë ndërmarrjen e masave të duhura sa më shpejt që është e mundur.

Nisma e të Rinjve për të Drejtat e Njeriut – Kosovë (YIHR KS) është pjesë e rrjetit rajonal të Nismës së të Rinjve për të Drejtat e Njeriut në Bosnje dhe Hercegovinë, Kroaci, Mal të Zi dhe Serbi. Misioni i Nismës është mbrojtja e viktimave të shkeljeve të të drejtave të njeriut, krijimi i lidhjeve të reja në rajon në mes të gjeneratave të pas luftës, si dhe përfshirja e të rinjve në procesin e drejtësisë tranzicionale, përmes promovimit të së vërtetës për luftërat në ish Jugosllavi. Nisma e të Rinjve për të Drejtat e Njeriut promovon të vërtetën, drejtësinë, përgjegjësinë dhe barazinë si vlera themelore.

Rrjeti i Grupeve të Grave të Kosovës (RrGGK) është rrjet që avokon në emër të 84 organizatave të grave të të gjitha grupeve etnike nga gjithë Kosova. RrGGK mbështet, mbron dhe promovon të drejtat dhe interesat e grave dhe të vajzave në tërë Kosovën, pavarësisht nga orientimi politik, religjioz, niveli i arsimimit, mosha, orientimi seksual apo aftësitë e tjera. RrGGK përmbush misionin e saj me anë të këmbimeve të përvojave dhe informatave, partneritetit dhe rrjetëzimeve, avokimeve dhe hulumtimeve.

E-Lajmet Nentor - Dhjetor 2011

Shkarko

Kumtesë për media: Shkurtimi i buxhetit për Qendrën Klinike Universitare të Kosovës rrezikon të përkeqësoj shëndetin e të varfërve

Rrjeti i Grupeve të Grave të Kosovës (RrGGK) është tepër e indinjuar për lajmin se Qeveria e Kosovës ka shkurtuar buxhetin e Qendrës Klinike Universitare të Kosovës për 2 milion euro.

Nëse buxheti për financimin e shërbimeve mjekësore shkurtohet, kjo do të ndikoj ndjeshëm tek jeta e grave në Kosovë. Hulumtimet e bëra nga RrGGK tregojnë se janë gratë ato që preken më së shumti prej mungesës së qasjes në shërbime cilësore të shëndetësisë. Derisa të pasurit mund të kërkojnë shërbime në klinika private, janë të varfërit ata që do ta vuajnë më së shumti këtë shkurtim të buxhetit. Sipas studimit të Bankës Botërore, në Kosovë, më shumë se 50% e popullsisë jeton në varfëri, ndërsa 12% jeton në varfëri të skajshme. Pjesa më e madhe e shërbimeve mjekësore nuk ipen në Shtëpitë e Shëndetit në Komuna dhe Qëndra Klinike Universitare mbetet e vetmja ofruese e këtyre shërbimeve.

Qeveria jonë duhet ti rishikoj prioritetet e saj dhe ti bazoj ato në angazhimet që ka ndërrmarë në plotësimin e Qëllimeve të Zhvillimit të Mijëvjeçarit dhe të filloj reformat e përgjithshme në shëndetësi. RrGGK mendon se një buxhet shëndetësor prej 52€ për person në vit nuk është i mjaftueshëm për zbutjen e gjendjes së mjerueshme të spitaleve dhe shërbimeve spitalore. Shkurtimi i buxhetit vetëm sa do të fuste vendin në një krizë shëndetësore, ku qytetarët dhe sidomos gratë, do ta gjenin veten përpara pamundësive për të kuruar sëmundje lehtësisht të parandalueshme.

Rrjeti i Grupeve të Grave të Kosovës është rrjet udhëheqës avokimi i më shumë se 80 organizatave joqeveritare të grave nga e gjithë Kosova dhe nga të gjitha grupet etnike. RrGGK mbështet, mbron dhe promovon të drejtat dhe interesat e grave dhe vajzave të reja në gjithë Kosovën, pavarësisht nga religjioni, besimi politik, mosha, niveli i edukimit, orientimi seksual, dhe aftësitë e tyre. RrGGK e realizon këtë mision përmes shkëmbimit të informatave dhe përvojës, bashkëpunimit dhe rrjetëzimit, hulumtimeve, avokimit dhe shërbimeve të tjera.

Sinqerisht,

Igballe Rogova, Drejtore Ekzekutive
Rrjeti i Grupeve të Grave të Kosovës
Mobil: +377 (44) 111 965

E-Lajmet Tetor 2011

Shkarko

KWN Strategy 2011 - 2014

Download

E-Lajmet Qershor - Korrik 2011

Shkarko

< 1 2 3 4 5 6 7 8 9 10 >

PUBLIKIM I RI

Regjistrohu per Buletin

Statistikat e vizitorëve: Sot: 86; Dje: 119; Këtë javë: 86; Këtë muaj: 725; Gjithësej: 211700;

Punuar nga: SFERA | Interactive Studio